తిరుమల, సెప్టెంబర్ 10, 2026: తిరుమలలో భక్తుల రద్దీ అనూహ్యంగా పెరిగింది. ప్రస్తుతం క్యూలైన్లలో ఉన్న భక్తులకు శ్రీవారి దర్శనం చేసుకునేందుకు సుమారు 24 గంటల సమయం పడుతోంది.
వరుసగా సెలవులు ఉండటంతో సెప్టెంబర్ 12 నుంచి 14 వరకు తిరుమలలో భక్తుల రద్దీ మరింత పెరిగే అవకాశం ఉందని టీటీడీ తెలిపింది.
సెప్టెంబర్ 13న వీఐపీ బ్రేక్ దర్శనాలు రద్దు
భక్తుల రద్దీ నేపథ్యంలో సెప్టెంబర్ 13న ఆదివారం వీఐపీ బ్రేక్ దర్శనాలను రద్దు చేశారు. దీంతో సెప్టెంబర్ 12న శనివారం వీఐపీ బ్రేక్ దర్శనాలకు సంబంధించిన సిఫార్సు లేఖలను స్వీకరించబోమని టీటీడీ స్పష్టం చేసింది.
ఆదివారం రద్దు చేసిన వీఐపీ బ్రేక్ దర్శన సమయాన్ని సామాన్య భక్తులకు శ్రీవారి దర్శనం కల్పించేందుకు వినియోగించనున్నట్లు తెలిపింది.
భక్తుల రద్దీని దృష్టిలో ఉంచుకుని టీటీడీ తీసుకుంటున్న ఏర్పాట్లకు సహకరించాలని భక్తులకు విజ్ఞప్తి చేసింది.